Ակումբի մասին

Վան ակումբը ստեղծվել է 2019 թ. մայիսի 21-ին ռուսաստանցի հայ գործարար Օլեգ Ղուկասովի կողմից։

Առաջին պաշտոնական հանդիպումը կայացել է Հայաստանի առաջին լիգայի 19/20 առաջնությունում,որի շրջանակներում օգոստոսի 13-ին Չարենցավանի քաղաքային մարզադաշտում ընդունել է <<Լոկոմոտիվ>> ակումբին։

Թիմի Նախագահն է` Սերգեյ Ղուկասովը։
Առաջին սպորտային տնօրեն` Սևադա Արզումանյան։
Առաջին գլխավոր մարզիչ` Կարեն Բարսեղյան
Թիմի պատմության լավագույն ռմբարկու` Վիլֆրեդ Էզա 55 խաղ, 40 գոլ։
Թիմը խաղերն անց է կացնում Չարենցավանի քաղաքային մարզադաշտում (5000 նստատեղ):

Ակումբի տարբերանշանը վահանաձև է,մեջտեղում հավասարաչափ կիսված մուգ կարմիր և կապույտ գույների վրա երկու դեմ առ դեմ ոսկեգույն առյուծ, ներքևում` թիմի ստեղծման տարեթիվն է և ֆուտբոլի գնդակ։

Մրցաշրջաններ

19/20

Թիմի նորամուտը մեծ ֆուտբոլում

28 խաղ, 22 հաղթանակ, 4 ոչ-ոքի, 2 պարտություն։Թիմը խփում է 90 գնդակ և բաց թողնում 18-ը և ձեռք բերում բարձրագույն խմբում հանդես գալու իրավունք։

Գավաթի խաղարկություն
Գավաթի խաղարկության 1/16 փուլում 6:0 հաշվով հաղթելով <<Արագած>> ՖԱ-ին թիմը անցնում է 1/8-րդ եզրափակիչ,որտեղ հաղթահարում է նաև <<Լոկոմոտիվի>> արգելքը(1-0),սակայն 1/4 եզրափակիչում կրում է պարտություն ապագա գավաթակիր <<Նոա>> ակումբից (0-1) և դուրս մնում պայքարից։

20/21

Մրցաշրջանում թիմը իր նորամուտն է նշում Հայաստանի Պրեմիեր Լիգայում

Մրցաշրջանն ավարտում է աղուսյակի միջնամասում` զբաղեցնելով 6-րդ հորիզոնականը։Թիմը 24 խաղում տանում է` 9 հաղթանակ, 4 ոչ-ոքի, կրելով 11 պարտություն, խփում 25, բաց թողնում 30 գնդակ։

Գավաթի խաղարկությունում նախնական փուլում հաղթում է <<Նորավանքի>> հետ դիմակայությունում (0-0,0-2) և դուրս գալիս 1/4 եզրափակիչ։1/4 եզրափակիչում համառ պայքարում (1-0,0-1), միայն հետխաղյա 11 մետրանոց հարվածաշարով պարտվում է <<Արարատ-Արմենիա>> ակումբին (5-4):

21/22

Ակումբի համար այդքան էլ հաջող չի դասավորվում

Թիմն առաջնությունն ավարտում է 8-րդ հորիզոնականում, 32 խաղում տանելով 6 հաղթանակ, 7 ոչ-ոքի և պարտվելով 25 խաղում։

Գավաթի խաղարկությունում թիմը իր պատմության մեջ առաջին անգամ հասնում է կիսաեզրափակիչ, իր ճանապարհին հաղթահարելով <<Սևանի>> (2-2, 3-1 հետխաղային 11 մետրանոցներ), <<Փյունիկի>> (1-1, 2-4 հետխաղային 11 մետրանոց) արգելքը։

Կիսաեզրափակիչում պարտվելով <<Ուրարտու>> ՖԱ-ին դուրս է մնում պայքարից։

22/23

Մրցաշրջանը ամենահաջող է

Վանի պատմության մեջ։Հայաստանի Պրեմիեր լիգայում թիմը վերջնական արդյունքով զբաղեցնում է 5-րդ հորիզոնականը, տանելով 11 հաղթանակ, 7 ոչ-ոքի և կրելով 18 պարտություն։Թիմը խփում է 38 և բաց թողնում 59 գնդակ։

Գավաթի խաղարկությունում հաղթահարում է <<Լեռնային Արցախի>> արգելքը (1-3), բայց 1/4 ում պարտվելով Գյումրու <<Շիրակին>> (2-0) լքում է պայքարը գավաթի խաղարկությունում։